விடுமுறை ஏதும் எடுக்காமல்
விடுதலை விதையை விதைத்தீரே
விடுதலையின் பொருள் இன்று
விடுகதையாய் ஆனதுவோ?
தலைமுறை ஒன்று தடுமாற
விடுமுறைக்கு என்று போனீரோ?
மறுமுறையும் வந்துவிடீர்-இல்லை
கருவறையில் வந்து தங்கிவிடீர்
இலைமறை யானதோ தமிழர்மானம்
தமிழ்மறை யாகுமோ நம்மவர்வீரம்
தனிச்சிறை கண்டீர் தமிழர்அவலம்
தலைமுறை வெல்லும் தமிழீழம்
அடக்குமுறை ஆனதோ அகிம்சாநெறி
அரைகுறை தீர்வுடன்நம் வம்சாவழி
வளர்பிறை ஆகுமோ உந்தன்வழி-நீ
தேய்பிறை யானது நாம்செய்தபழி
வரைமுறை தாண்டுது சிங்களம்
வன்முறை ஆகும்அது நம்நிலம்
வாளுறை தவிர்த்து நடைபோடு
சூளுரை செய்து விடைதேடு
தமிழ்கறை ஆனது துரோகம்
தரக்குறை வானது நம்தேசம்
அக்கறை கொள்ளடா நாளும்
எத்துறை யாகினும் வெல்லலாம்
உங்கள் நேரத்திற்கு நன்றி
அன்புடன், அ.பகீரதன்
No comments:
Post a Comment